“Соёлын бүтээлч сар-2024” аяны хүрээнд Аймаг, орон нутгийн хөгжил цэцэглэлтэд үнэтэй хувь нэмэр оруулж, үр хойч үедээ үнэт соёлын өв үлдээн түүхэн гавьяа байгуулсан “Бүгд Найрамдах Монгол Ард Улсын Гавьяат зоотехникч Цэдэвийн Тэрбиш”-ийн намтар түүх, “Сүмбэр үүлдэр”-ийн каракуль хонины бүтээгдэхүүний үзэсгэлэнгийн нээлтийн үйл ажиллагаа 2024 оны 11 дүгээр сарын 05-ний өдөр зохион байгуулагдлаа.
Нээлтийн үйл ажиллагаанд Аймгийн Соёл, урлаг, аялал жуулчлал, залуучуудын газрын дарга Б. Энхтөр, Аймгийн ИТХ-ын дарга Ш. Билэггүмбэрэл, Аймгийн Засаг даргын орлогч Б. Наранбаатар, Сүмбэр сумын ИТХ-ын дарга Т. Түмэнбаяр, Сүмбэр сумын Засаг дарга Э. Даваадорж болон Ц. Тэрбиш гавьяатын үр хүүхэд, ач, зээ, тухайн үеийн ажлын хамтран зүтгэгч нар нь хүрэлцэн ирж оролцож, Үр хүүхэд ач, зээ нар нь бидний үйл ажиллагааг дэмжин хандив өргөлөө.
